ტურისტერის ყოველწლიური სამიტი, რომელიც 2024 წლის დეკემბერში ბათუმში უნდა ჩატარებულიყო, მიმდინარე წლის 21-22 თებერვალს ჩატარდება. ღონისძიება სასტუმრო ROOMS-ში, ბათუმში მოეწყობა.
ტურისტერი 2024-ის მთავარი არსი კვლავაც შენარჩუნებულია: მომავალზე საუბარი. როგორც ორგანიზატორები აცხადებენ, მიმდინარე რეალობა, რომელიც სავსეა გამოწვევებით, ქართულ ტურიზმზე დისკუსია მნიშვნელოვანია. სამიტის თემები იცვლება, რათა ყურადღება გამახვილდეს ქართული ტურიზმის მედეგობაზე და მის გამოწვევებზე საერთაშორისო ბაზარზე.
“როგორც მოგეხსენებათ ტურისტერის მთავარი არსი არის საუბარი მომავალზე, დღეს კი არსებული გამოწვევებით სავსე გარემოში, მომავალზე საუბარი კიდევ უფრო მნიშვნელოვანი ხდება, შესაბამისად ღონისძიების მთავარი თემების მოდიფიკაციის საფუძველზე ჩვენი მიზანი იქნება განვიხილოთ ქართული ტურიზმის მედეგობა.” – ნათქვამია ორგანიზაციის მიერ გავრცელებულ ოფიციალურ განცხადებაში.
Tourister 2024 წარმოადგენს უნიკალურ შესაძლებლობას ქართული ტურიზმის დაინტერესებული მხარეთათვის, რათა ერთად განიხილონ არსებული გამოწვევები და სამომავლო პერსპექტივები. ბათუმში დაგეგმილი ღონისძიება არამხოლოდ ადგილობრივ, არამედ საერთაშორისო წარმომადგენლებსაც აერთიანებს, რაც მას კიდევ უფრო მნიშვნელოვანს და აქტუალურს ხდის.
#drpkhakadze #გიორგიფხაკაძე #davidiani #shenistartup #აქხარისხია
