6-8 დეკემბერს, ზუგდიდში პირველად გაიმართება Startup Investment Forum ZUGDIDI, რომელიც საქართველოს ინოვაციების და ტექნოლოგიების სააგენტოსა (GITA) და აქსელის – საქართველოს ანგელოზი ინვესტორების ქსელის ორგანიზებით გაიმართება. ღონისძიება ზუგდიდის ტექნოპარკის ინიციატივით შეიქმნა და მიზნად ისახავს სამეგრელო-ზემო სვანეთის რეგიონის სტარტაპ ეკოსისტემის განვითარებას.
ფორუმის პროგრამა სამდღიანი იქნება და შეკრებს სხვადასხვა დარგის წარმომადგენლებს, მათ შორის, ინვესტორებს, ტექნოლოგიური სტარტაპების დამფუძნებლებს, მეწარმეებს და პოტენციურ ინვესტორებს. 7 დეკემბერს, ფორუმის მთავარი ნაწილი გაიმართება ზუგდიდში, ნიკოსეულ სასახლეში, სადაც სტარტაპების სიტყვით გამოსვლა, პანელური დისკუსიები და პარტნიორების პრეზენტაციები გაიმართება.
ღონისძიების ფარგლებში, აქსელი დააორგანიზებს ვიზიტებს კანიონზე, ასევე, სპეციალურ ვახშამს, სადაც მონაწილეები შეძლებენ ღირებული კონტაქტების დამყარებას. ფორუმს მხარს უჭერენ ტექნოპარკი ზუგდიდი, ზუგდიდის მერია, Socar Georgia, GEC Consulting, Kudos Georgia და სხვა ორგანიზაციები.
#drpkhakadze #davidiani #shenistartup
მასალის გამოყენების პირობები
