კერძოდ, 2025 წლის იანვარ-ოქტომბერში ქვეყანამ 3.152 მილიარდი დოლარის ღირებულების 192 451 ერთეული ავტომობილი იყიდა, რაც 2009 წლიდან დღემდე ყველაზე მაღალი მაჩვენებელია. (შენიშვნა: საქსტატზე მონაცემები 2009 წლიდან არის ხელმისაწვდომი).
აღსანიშნავია, რომ მხოლოდ ერთი წლის ჭრილში იმპორტი 9.8%-იან ზრდას აჩვენებს. უფრო კონკრეტულად, 2024 წლის იანვარ-ოქტომბერში საქართველოში 2.869 მილიარდი დოლარის 173 012 ერთეული მსუბუქი ავტომობილი შემოვიდა.
წელს საანგარიშო პერიოდში ავტომობილების იმპორტის კუთხით მთავარი სავაჭრო ბაზარი კვლავაც ამერიკის შეერთებული შტატებია.
უფრო კონკრეტულად, 2025 წლის იანვარ-ოქტომბერში მსუბუქი ავტომობილების იმპორტში 5 ძირითადი სავაჭრო პარტნიორი ასე გამოიყურება:
- აშშ – 1.882 მილიარდი დოლარის 151 722 ერთეული;
- გერმანია – 500.8 მილიონი დოლარის 6 350 ერთეული;
- იაპონია – 271.8 მილიონი დოლარის 16 205 ერთეული;
- თურქეთი – 109.1 მილიონი დოლარის 2 474 ერთეული;
- ბელგია – 58.7 მილიონი დოლარის 1 223 ერთეული.
რაც შეეხება ფასებს, 2025 წლის იანვარ-ოქტომბერში წლიურად 1.2%-ით შემცირდა 1 ავტომობილის საშუალო საიმპორტო ფასი გადასახადების გარეშე. კერძოდ, „ბიზნესპრესნიუსის“ დათვლით, წელს 1 ავტომობილის საშუალო საიმპორტო ფასი 16 380 დოლარია, შარშან საანგარიშო პერიოდში კი 16 585 დოლარი იყო. (მარკის, გამოშვების წლისა და სხვა მახასიათებლების მიხედვით, შესაძლოა ფასი საშუალოზე ბევრად მეტი ან ნაკლები ყოფილიყო).
