საქართველოს აეროპორტების გაერთიანებამ ქუთაისის საერთაშორისო აეროპორტში თანამედროვე E-Gate სისტემა დანერგა. ფრანგული კომპანიის RESA ELECTRONIQUE-ის მიერ შემუშავებული ავტომატიზებული ჩასხდომის სისტემა მგზავრებს აეროპორტის გაფრენის დარბაზში ჩასხდომის ბარათის (Boarding pass) წაკითხვით, ავტომატურად გაუხსნის ტურნიკეტს, რაც პროცესს გაამარტივებს და რიგებს შეამცირებს.
E-Gate სისტემის პირველი ეტაპზე სატესტო რეჟიმში ფუნქციონირებს და იგი მგზავრთა ნაკადის გამართვის ეფექტურობას გაზრდის. ტექნოლოგია ქუთაისის აეროპორტს შესაძლებლობას აძლევს, გააუმჯობესოს მგზავრთა მომსახურების ხარისხი და დაამატოს თანამედროვე, ეფექტური სერვისები.
RESA ELECTRONIQUE-ის E-Gate სისტემის საინვესტიციო ღირებულება 200 ათას ევროზე მეტია. მომავალში, ინფრასტრუქტურულ ცვლილებებთან ერთად, სისტემის კიდევ ერთი აპარატი დაემატება.
#drpkhakadze #davidiani #shenistartup
