2024 წლის 11-14 ნოემბერს პორტუგალიის დედაქალაქ ლისაბონში, მსოფლიოში ერთ-ერთ ყველაზე მნიშვნელოვან ტექნოლოგიურ ღონისძიებაზე – Web Summit-ზე – 500 Global in Eurasia-ის პროგრამაში მონაწილე სტარტაპებმა მიიღეს მონაწილეობა. სამიტზე, რომელიც 70,000-ზე მეტ მონაწილესა და 1000-ზე მეტ ინვესტორს აერთიანებს, საქართველოდან მონაწილეობა მიიღეს სტარტაპებმა, რომლებიც საქართველოს ბანკის, საქართველოს ინოვაციების და ტექნოლოგიების სააგენტოსა და “აწარმოე საქართველოს” მხარდაჭერით მონაწილეობენ 500 Global in Eurasia-ის აქსელერაციის პროგრამაში.
სტარტაპები, როგორიცაა Kingsinternational, Beep, Awork, AI, Videopoint, Kalalist, Algebras AI და Widgera, Web Summit-ზე შეხვდნენ საერთაშორისო ინვესტორებს, გახსნეს ახალი საქმიანი კავშირები და გაიღრმავეს ცოდნა ინდუსტრიის ტენდენციებზე. მათ შესაძლებლობა ჰქონდათ, საქართველოს პავილიონში წარედგინათ თავიანთი ინოვაციური პროდუქტები და პლატფორმები, რაც დაეხმარება მათ ბიზნესის ზრდასა და საერთაშორისო ბაზრებზე დამკვიდრებაში.
მასალის გამოყენების პირობები
