2024 წელს ქართული ბარათებით საზღვარგარეთ განხორციელებული ტრანზაქციები მკვეთრად გაიზარდა, რაც ნათლად ასახავს ქართველების ფინანსურ აქტიურობას საერთაშორისო ბაზარზე. საქართველოს ეროვნული ბანკის მონაცემებით, გასული წლის 11 თვის განმავლობაში, უცხოეთში ქართული ბანკების ბარათებით საერთო ჯამში 8.849 მლრდ ლარის ოპერაციები განხორციელდა, რაც 2023 წელთან შედარებით 25%-ით, ანუ 1.75 მლრდ ლარით მეტია.
მონაცემები ასევე აჩვენებს, რომ 2024 წლის მაისიდან, ყოველთვიურად, ქართველებმა უცხოეთში 800 მლნ ლარზე მეტი დახარჯეს. ყველაზე მაღალი მაჩვენებელი ნოემბერში დაფიქსირდა, როდესაც გადახდებმა 867.6 მლნ ლარს გადააჭარბა.
გარდა ამისა, ბანკების ბარათებით გადახდები უმეტესად პოს-ტერმინალებისა და ონლაინ ტრანზაქციების მეშვეობით ხორციელდება. ამ ტიპის ოპერაციები 8.1 მლრდ ლარის ოდენობით იყო. პარალელურად, ბანკომატების გამოყენებით მხოლოდ 734 მლნ ლარის თანხის განაღდება მოხდა.
ამგვარად, 2024 წლის 11 თვის განმავლობაში, უცხოეთში ჩატარებული ოპერაციები, მთლიანობაში, ქართული საბანკო ბარათებით განხორციელებული ყველა ოპერაციის 11%-ს შეადგენდა.
#drpkhakadze #davidiani #shenistartup
