ფოთის ტერმინალი ტრანსკასპიური საერთაშორისო სატრანსპორტო მარშრუტის (TITR) ნაწილი ოფიციალურად გახდა. როგორც სატრანსპორტო-ლოგისტიკური კომპანია PTC Holding იტყობინება, ფოთის პორტს წევრობის სტატუსი ბაქოში გამართულ TITR-ის საერთაშორისო ასოციაციის სამუშაო შეხვედრაზე მიენიჭა. გადაწყვეტილება ასოციაციის წევრების ხმის მიცემის შედეგად მიიღეს.
ტრანსკასპიური საერთაშორისო სატრანსპორტო მარშრუტი (TITR), იგივე შუა დერეფანი, ხელს უწყობს ჩინეთს, ყაზახეთს, კასპიის ზღვას, აზერბაიჯანს, საქართველოს, თურქეთსა და ევროპას შორის ტრანსპორტირებას. ეს მარშრუტი ალტერნატივაა ტრანსციმბირის სარკინიგზო მაგისტრალისა და სუეცის არხისთვის. TITR-ის ასოციაცია, რომელიც 2016 წელს შეიქმნა, აერთიანებს სარკინიგზო, საზღვაო და ლოგისტიკურ კომპანიებს, მათ შორის საქართველოს რკინიგზას. დღეს ასოციაციას 20-ზე მეტი წევრი ჰყავს.
PTC Holding-მა 2023 წელს დაიწყო პროექტი, რომლის ფარგლებშიც ფოთის პორტში აშენდება მულტიმოდალური საკონტეინერო ტერმინალი. ახალი ტერმინალი წლის განმავლობაში 80,000 TEU მოცულობის ტვირთის გადაზიდვას უზრუნველყოფს. პროექტი ჯამში 30 მილიონი აშშ დოლარის ინვესტიციას მოიცავს.
ფოთის ტერმინალის შეერთება TITR-ის ასოციაციას მნიშვნელოვანი ნაბიჯია, რომელიც ხელს შეუწყობს საქართველოს, როგორც სატრანსპორტო და ლოგისტიკური კავშირების მნიშვნელოვან ჰაბს, დერეფნის განვითარებას და ტვირთების ნაკადების მოზიდვას.
#drpkhakadze #გიორგიფხაკაძე #davidiani #shenistartup #აქხარისხია
