მისი თქმით, ახალი ავტომაგისტრალი 4-ზოლიანი იქნება. გზის ტექნიკურ-ეკონომიკური დასაბუთების დოკუმენტები მომზადებულია და დაგეგმილია დეტალური პროექტირების შემუშავება.
„2026 წლიდან დაგეგმილია ანაკლიის პორტთან მისასვლელი 2-ზოლიანი საავტომობილო გზის სამშენებლო სამუშაოების დაწყება, ასევე, სამტრედია-ზუგდიდის 75 კმ-იანი მონაკვეთის დეტალური პროექტირების მომზადება, რომელზეც მომზადებულია ტექნიკურ-ეკონომიკური დასაბუთების დოკუმენტაცია. აღნიშნული მაგისტრალის სამტრედია-ცაცხვის მონაკვეთის 4-ზოლიანი, ასევე 4-ზოლიანი ცაცხვი-რუხის მონაკვეთის სამუშაოებს ჩვენ აუცილებლად დავიწყებთ. იქამდე დაიწყება ანაკლიის პორტთან მისასვლელი გზის სამუშაოები. ჩვენ აქტიურად ვთანამშრომლობთ გზების დეპარტამენტთან, რომ მათ მიერ განსახორციელებელი სამუშაოები და ჩვენ მიერ დაგეგმილი სამუშაოები იყოს თანხვედრაში და ერთობლივად ვიმუშაოთ, რომ იმ პერიოდისთვის, როცა დაგეგმილია პორტის ამუშავება, საგზაო და სატრანსპორტო ინფრასტრუქტურა იყოს მზად“, – განაცხადა რევაზ სოხაძემ.
