საქართველოს კანონი „მეწარმეთა შესახებ“ მეწარმეობას ახასიათებს როგორც: „… მართლზომიერ და არაერთჯერად საქმიანობას, რომელიც ხორციელდება მოგების მიზნით. დამოუკიდებლად და ორგანიზებულად.“
უფრო მარტივად, მეწარმეობაა მოგებაზე ორიენტირებული საქმიანობა, რომლის შედეგადაც რაიმე სახის პროდუქტი იქმნება.
საქართველოს კანონმდებლობა ასხვავებს ექვსი სახის მეწარმე სუბიექტს:
ინდივიდუალური მეწარმე, სოლიდარული პასუხისმგებლობის საზოგადოება, კომანდიტური საზოგადოება, შეზღუდული პასუხისმგებლობის საზოგადოება, სააქციო საზოგადოება და კოოპერატივი.
მეწარმე სუბიექტები ერთმანეთისაგან განსხვავდებიან მათი სტრუქტურითა და პასუხისმგებლობებით.
საქართველოში რეგისტრირებულ მეწარმეთა აბსოლუტური უმრავლესობა ნაწილდება ორი
ტიპის მეწარმე სუბიექტებზე: ინდივიდუალური მეწარმე (63.1%) და შეზღუდული პასუხისმგებლობის საზოგადოება (35.1%).
სოლიდარული პასუხისმგებლობის საზოგადოებები, კომანდიტური საზოგადოებები, შეზღუდული პასუხისმგებლობისა და სააქციო საზოგადოებები, კოოპერატივები წარმოადგენენ იურიდიულ
პირებს. მათგან განსხვავებით, ინდივიდუალური მეწარმე საქმიან ურთიერთობებში თავის უფლება-მოვალეობებს ახორციელებს, როგორც ფიზიკური პირი.
გაეცანით სახელმძღვანელოს, რომელიც შეეხება მეწარმეობას საქართველოში
მიკრო და მცირე ბიზნესს.
