ახალი სტარტაპი Aviafy, რომელიც ბაზარზე დაახლოებით ორი თვეა გამოჩნდა, წარმოადგენს CRM (მომხმარებელთან ურთიერთობის მენეჯმენტი) სისტემას ტურისტული სააგენტოებისთვის. სტარტაპი ხელოვნურ ინტელექტს (AI) იყენებს, რათა კომპანიებს ბიზნეს ოპერაციების მართვისთვის ერთ სივრცეში ყველა საჭირო პროგრამული გადაწყვეტილება შესთავაზოს.
როგორც Aviafy-ის სოციალური მედიის მენეჯერი სოფია ჭითანავა აღნიშნავს, პლატფორმა შექმნილია იმისათვის, რომ ტურისტულ სააგენტოებს დაეხმაროს, მათი ყოველდღიური ოპერაციები გახდეს უფრო ეფექტური და ავტომატიზირებული. Aviafy ტურისტული კომპანიების აგენტებს საშუალებას აძლევს მარტივად მართონ და გააკონტროლონ ყველა მნიშვნელოვანი პროცესი, დაწყებული მომხმარებელთა მოთხოვნებით, დამთავრებული ბილეთების შეძენითა და ინვოისების გამოგზავნით პირდაპირ აპლიკაციიდან.
Aviafy-ის მახასიათებლები:
- მომხმარებელთა მართვა
- ჯავშნების ინტეგრაცია
- რეალურ დროში კომუნიკაცია
სტარტაპის მიზანი არის, რომ ტურისტული სააგენტოებისთვის ყველა მნიშვნელოვანი პროცესი იყოს ცენტრალიზებული და მარტივად ხელმისაწვდომი ერთ ადგილას. პლატფორმა არ მხოლოდ აჩქარებს ოპერაციების განხორციელებას, არამედ მნიშვნელოვნად აუმჯობესებს მომხმარებელთან ურთიერთობას.
Aviafy-ის სოციალური მედიის მენეჯერის თქმით, ამჟამად სტარტაპი მხოლოდ ერთ ტურისტულ კომპანიას ემსახურება, თუმცა იგი აქტიურად მუშაობს ახალი ბიზნესპარტნიორების დამატებაზე. სტარტაპი უკვე 90%-ითაა დახვეწილი, რაც სხვა კომპანიებს საშუალებას მისცემს დაემატონ პლატფორმას და ისარგებლონ თანამედროვე პროგრამული გადაწყვეტილებით.
რა უპირატესობები აქვა Aviafy-ს?
– სიმარტივე — პლატფორმა მომხმარებლებს მარტივ და ინტუიციურ ინტერფეისს სთავაზობს, რაც მას საშუალებას აძლევს სწრაფად შეისწავლონ და გამოიყენონ.
– ეფექტურობა — CRM სისტემის ინტეგრაცია ყველა ბიზნეს პროცესთან აუმჯობესებს სამუშაო ნაკადებს და ზრდის ოპერაციების სისწრაფეს.
– მომხმარებლის კმაყოფილება — Aviafy-ის მიერ მიწოდებული ზუსტი ინფორმაცია და უწყვეტი კომუნიკაცია უზრუნველყოფს მომხმარებლის მხრიდან უმაღლეს კმაყოფილებას.
როგორც სტარტაპის წარმომადგენელი აღნიშნავს, აღნიშნული პლატფორმა კვლავ განვითარებაშია და გეგმავს, რომ გააფართოოს სერვისები და დაემატოს ახალი კომპანიები. Aviafy-ის მახასიათებლების ოპტიმიზაცია და დახვეწა გულისხმობს, რომ სტარტაპი მალე შეძლებს ბევრად უფრო დიდი მასშტაბის მომსახურების გაწევას.
ბევრი ტურისტული კომპანია აქტიურად ეძებს ტექნოლოგიურ გადაწყვეტილებებს, რომლებიც გაამარტივებენ და გააუმჯობესებენ მათ ყოველდღიური ოპერაციებს. Aviafy სწორედ ასეთ მიდგომას სთავაზობს, რომელიც საშუალებას აძლევს ბიზნესებს სწრაფად, ეფექტურად და ხარისხიანად მართონ თავიანთი ოპერაციები.
