The Heritage Foundation-მა 2025 წლის ეკონომიკური თავისუფლების ინდექსი გამოაქვეყნა, რომელიც სხვადასხვა კრიტერიუმის მიხედვით აფასებს ქვეყნებს, მათ შორის ბიზნესის თავისუფლება, ეკონომიკური პოლიტიკა, გადასახადების დონე, ბიუროკრატიული ეფექტიანობა, საკუთრების უფლებების დაცულობა, ფინანსური და ვაჭრობის თავისუფლება. 2025 წლის ანგარიშში საქართველო 0.6 ქულით გაუმჯობესდა და 69 ქულას მიაღწია. ამ მაჩვენებლით საქართველო მსოფლიო მასშტაბით 35-ე ადგილზეა.
მიუხედავად ამისა, საქართველოს ქულა კვლავ დაბალია, ვიდრე 2021 წელს, როდესაც ქვეყანამ 76 ქულა და მსოფლიოში მეთორმეტე ადგილი დააფიქსირა. ბოლო რამდენიმე წელში საქართველოს პოზიციების გაუარესება გამოწვეულია რამდენიმე ფაქტორით, მათ შორის საკუთრების უფლებების დაცვის უკუსვლით, სასამართლო სისტემის ეფექტიანობის შემცირებით, მმართველობის ხარისხის შემცირებით, ფისკალური სიჯანსაღის პრობლემებით, ბიზნესის და ფინანსური თავისუფლების შემცირებით, ასევე მონეტარული პოლიტიკის გაუარესებით.
2025 წლის ინდექსში საქართველოს შეფასება კვლავ 70 ქულაზე დაბალია, რაც ადასტურებს ქვეყნის ეკონომიკური თავისუფლების მიმართულებით მიმდინარე გამოწვევებს. 2012-2022 წლებში საქართველოს ინდექსში მუდმივად მაღალი შეფასებები ჰქონდა, თუმცა 2023 წლიდან მისი ქულა 70-ზე ნაკლებია.
#drpkhakadze #გიორგიფხაკაძე #davidiani #shenistartup #აქხარისხია
მასალის გამოყენების პირობები
