აშშ-ში, NYU Langone Health-ის სამედიცინო ცენტრში, პირველად ისტორიაში, რობოტმა წარმატებით ჩაატარა ფილტვების გადანერგვის ოპერაცია. ოპერაციამ ქალს, შერილ მერკარს, რომელსაც ათ წელზე მეტი ხნის განმავლობაში ფილტვების ქრონიკული ობსტრუქციული დაავადება ჰქონდა, ახალი სიცოცხლე აჩუქა.
57 წლის შერილ მერკარი, რომელიც თავადაც ექიმია, დაავადების გამწვავების შემდეგ, განსაკუთრებით COVID-19-ის გადატანის შემდეგ, მძიმე მდგომარეობაში აღმოჩნდა. მისი ფილტვები იმდენად დაზიანებული იყო, რომ მხოლოდ ფილტვების გადანერგვის ოპერაციას შეეძლო მისი სიცოცხლის გადარჩენას.
ოპერაცია, რომელიც დაახლოებით ერთი თვის წინ ჩატარდა, ისტორიაში პირველი იყო, როდესაც რობოტი გახდა მთავარი ქირურგიული ჩარევის შემსრულებელი. ექიმების თქმით, რობოტის გამოყენებამ მნიშვნელოვნად გააუმჯობესა ოპერაციის წარმატების შანსები და შეამცირა პოსტოპერაციული გართულებების რისკი.
მერკარი უკვე კლინიკიდან გამოწერისთვის ემზადება და ოპერაციის შემდეგ თავს ძალიან კარგად გრძნობს. მისი თქმით, არასოდეს წარმოიდგინა, რომ შეძლებდა თავისუფლად სუნთქვას და სიცოცხლის მეორე შანსი რომ მიეცემოდა.
ეს ოპერაცია მედიცინის სფეროში მნიშვნელოვან წინსვლად მიიჩნევა და შესაძლოა გახდეს ახალი სტანდარტი ფილტვების გადანერგვის პრაქტიკაში.
#drpkhakadze #davidiani #shenistartup
მასალის გამოყენების პირობები
