„ნადი ჯგუფი“, რომელიც საქართველოს ბაზარზე ლოკოკინების წარმოებით არის ცნობილი და აქტიურად აწარმოებს ექსპორტს საფრანგეთსა და იტალიაში, 2025 წელს თავისი ფერმის გაფართოებას გეგმავს. კომპანიის მიზანი არაერთი ახალი ბაზრის ათვისებაა, ასევე უფრო დიდი რაოდენობით მოსავლის აღება, რაც ხელს შეუწყობს როგორც ადგილობრივ, ასევე საერთაშორისო მოთხოვნების დაკმაყოფილებას.
კომპანიის დამფუძნებელი, მერაბ ნადარაია, აცხადებს, რომ „ნადი ჯგუფი“ ექსპორტს ახორციეკებს თურქეთში, სადაც 3-წლიან კონტრაქტი გააფორმა. როგორც აღნიშნულია, ექსპორტის ამ სფეროში თურქეთი ახალი სტრატეგიული მიმართულებაა, რადგან ტრანსპორტის კოსნტრანსპორტირება შედარებით იაფია და მიწოდების დრო უფრო მოკლე. თუმცა, აღნიშნული პროდუქტის ფასი თურქეთში ექსპორტირებული ფილესთვის 30%-ით ნაკლებია, ვიდრე საფრანგეთში.
„ნადი ჯგუფის“ ლოკოკინების ფერმები განლაგებულია იმ ტერიტორიაზე, რომელიც საუკეთესო პირობებს ქმნის ლოკოკინების წარმოქმნისთვის. წლიური მოსავლის აღება ხდება ორჯერ: გაზაფხულსა და შემოდგომაზე. კომპანიამ 2023 წლის შემოდგომაზე დაახლოებით 30%-ით მეტი მოსავალი აიღო, ვიდრე გასულ წელს, რაც მიუთითებს წარმოების ზრდის ტენდენციაზე. მერაბ ნადარაიას განცხადებით, მიმდინარე წლის მოსავალი 88 ტონაა, რაც წარმატებულ განვითარებას გვიჩვენებს.
„ნადი ჯგუფი“ ასევე აქტიურად თანამშრომლობს ჰორეკა სექტორთან, რომელიც მოიცავს რესტორნებს, სასტუმროებს და კაფეებს. ადგილობრივ ბაზარზე ლოკოკინის ფილის მოთხოვნა იზრდება, რასაც ხელს უწყობს მომხმარებელთა მზარდი დაინტერესება მაღალი ხარისხის პროდუქტებით. კომპანიის წარმომადგენლები ამყარებენ მოლაპარაკებებს სუპერმარკეტებთან, თუმცა, ჯერჯერობით, შეთანხმებები არ განხორციელებულა.
დღეისათვის 1 კგ ლოკოკინის ფილის ფასი საქართველოს ბაზარზე 40 ლარია. აღსანიშნავია, რომ ლოკოკინას ფილეს გამოსავლიანობა მხოლოდ 20%-ია, რაც იმის მაჩვენებელია, რომ კომპანიისთვის ფილეს ექსპორტი გაცილებით მომგებიანია, მიუხედავად მცირე რაოდენობისა.
„ნადი ჯგუფი“ ნამდვილად არ აპირებს გაჩერებას და 2025 წელს მოსავლის 200 ტონამდე ზრდას გეგმავს. აღნიშნული მიზანი გულისხმობს არა მხოლოდ წარმოების მასშტაბების გაზრდას, არამედ საქართველოს, როგორც ექსპორტიორი ქვეყნის, პოზიციის გაძლიერებას ევროპაში.
„ნადი ჯგუფი“ დაარსდა 2018 წელს, იტალიურ კომპანიასთან ჩერასკოს მოლუსკების საერთაშორისო ინსტიტუტთან თანამშრომლობით. კომპანიის საქმიანობა ორიენტირებულია მდგრადი და მაღალი ხარისხის ლოკოკინების წარმოებაზე, რაც საშუალებას აძლევს მას უფრო წარმატებით განახორციელოს ექსპორტი ისეთ ქვეყნებში, როგორებიცაა საფრანგეთი, იტალია და თურქეთი.
მასალის გამოყენების პირობები
