23 ნოემბერს, 10:00-დან 19:00 საათამდე, საგამოფენო ცენტრი “ექსპო ჯორჯია” კიდევ ერთხელ უმასპინძლებს მეწარმე ქალების პროდუქციის გამოფენა-გაყიდვას, რომელიც გაეროს ქალთა ორგანიზაციის ინიციატივითა და თიბისის მხარდაჭერით მესამე წელია იმართება. ღონისძიება მიზნად ისახავს ქალთა მეწარმეობის პოპულარიზაციას და მათთვის სასარგებლო ცოდნის გაზიარებას, ბიზნეს კავშირებისა და ახალი პარტნიორობების დამყარებას.
გამოფენაში მონაწილეობას მიიღებს 145 მეწარმე ქალი საქართველოდან, მათ შორის ლტოლვილი ქალები უკრაინიდან და სხვა ქვეყნებიდან. მონაწილეები სტუმრებს საკუთარი პროდუქციის ფართო სპექტრს წარუდგენენ, მათ შორის:
– საკვები და სასმელები
– ღვინო და სხვა ალკოჰოლური სასმელები
– საჩუქრები, სათამაშოები და აქსესუარები
– ხელნაკეთი ნივთები და დეკორი
– სილამაზისა და თავის მოვლის საშუალებები
– საახალწლო სუვენირები და სადღესასწაულო აქსესუარები
ამასთანავე, გამოფენაზე სტუმრებს შესაძლებლობა ექნებათ მონაწილეობა მიიღონ მასტერკლასებში, სადაც მათ სთავაზობენ მწვანე ტექნოლოგიების გამოყენებით საახალწლო ნივთების შექმნას ასწავლიან.
გამოფენასთან ერთად, თიბისის ორგანიზებით მოეწყობა გასართობი და შემეცნებითი კუთხე ბავშვებისთვის, ასევე, იმოქმედებს საკვები და მუსიკალური სივრცეები, სადაც დამსწრეები შეძლებენ გემრიელი კერძებისა და მუსიკისგან სიამოვნება მიიღონ.
22 ნოემბერს, გამოფენამდე, ჩატარდება სპეციალური მასტერკლასები, რაც მეწარმე ქალებს დაეხმარება ბიზნესში ხელოვნური ინტელექტის გამოყენებისთ, მდგრადი ბიზნესის შექმნის, ევროკავშირში ექსპორტის შესაძლებლობებისა და ელექტრონული კომერციის უპირატესობების შესახებ ინფორმაციის მიღებაში. აღნიშნული განათლება მათ დაეხმარება უკეთ მართონ ბიზნესები და განავითარონ მათი კავშირები საერთაშორისო ბაზრებზე.
გამოფენა-გაყიდვის ღონისძიებას გაეროს ქალთა ორგანიზაცია, ევროპის რეკონსტრუქციისა და განვითარების ბანკი (EBRD), გერმანიის საერთაშორისო თანამშრომლობის საზოგადოება (GIZ), საქართველოს ფერმერთა ასოციაცია, სავაჭრო-სამრეწველო პალატა და კერძო სექტორი უჭერენ მხარს. ღონისძიება წარმოადგენს გაეროს ქალთა ორგანიზაციის პროექტის “კარგი მმართველობა გენდერული თანასწორობის ხელშეწყობისთვის საქართველოში” კომპონენტს, რომელსაც ნორვეგიის მთავრობა აფინანსებს.
გამოფენის დეტალები:
მისამართი: ექსპო ჯორჯია, XI პავილიონი, წერეთლის გამზ. 118.
დრო: 23 ნოემბერი, 10:00-19:00 საათამდე.
