საახალწლო პერიოდის დადგომასთან ერთად, მსოფლიოში უამრავი ადამიანი უსმენს მერაია ქერის განთქმულ საახალწლო სიმღერას All I Want for Christmas Is You, რომელიც 1994 წელს გამოვიდა და ყველაზე პოპულარულ საახალწლო ჰიტად დარჩა. მუსიკალურ ინდუსტრიაში მას “შობის დედოფალი” უწოდეს და მისი სიმღერა დღემდე უკონკურენტოდ ლიდერობს საახალწლო მუსიკის ჟანრში. თუმცა, მასიური პოპულარობის გარდა, All I Want for Christmas Is You-ს მერაია ქერისთვის ასევე დიდი მატერიალური სარგებელი მოაქვს. დღესდღეობით, მისი შემოსავალი ამ სიმღერით 100 მილიონ დოლარზე მეტია.
მიუხედავად იმისა, რომ ადრე მერაია ქერი ძირითადად ფირფიტების და დისკების გაყიდვებით იღებდა შემოსავალს, დღეს მისი შემოსავლის წყაროები გაცილებით მრავალფეროვანია. გარდა ფიზიკური გაყიდვებისა, ამ სიმღერის შემოსავლები მოიცავს სტრიმინგ სერვისების, სატელევიზიო განთავსებებისა და სხვა პლატფორმების შემოსავლის ნაწილს. Spotify-ის მონაცემებით, All I Want for Christmas Is You გახდა პირველი საახალწლო სიმღერა, რომელსაც 2 მილიარდზე მეტი მოსმენა აქვს. ამასთან, ის 2016 წლიდან დღემდე შობის დღეს Spotify-ზე ყველაზე ხშირად მოსმენილი სიმღერაცაა, რაც კიდევ ერთხელ ადასტურებს მის უკიდურეს პოპულარობას.
მუსიკალური ინდუსტრიის სპეციალისტების მიხედვით, All I Want for Christmas Is You მთელ მსოფლიოში $103 მილიონამდე შემოსავალს აგენერირებს. ეს თანხა მოიცავს სტრიმინგის, რადიოს, სატელევიზიო გაშუქების და სხვა შერჩეული პლატფორმების შემოსავალს. თუმცა, ეს რიცხვი შესაძლოა არაა 100%-ით ზუსტი, რადგან მერაია ქერისა და კომპანიების შორის დადებული კონტრაქტების დეტალები არ არის საჯარო.
Phelps & Phillips-ის მიერ გაკეთებული გათვლებით, მხოლოდ Spotify-სგან მერაია ქერის შემოსავალი $9.8 მილიონს შეადგენს. ამასთან, რადგან იგი სიმღერის შემსრულებელი, თანაავტორი და პროდიუსერია, მისი წილი შემოსავლებში გაცილებით უფრო მაღალია, ვიდრე სხვა მუსიკოსების, რადგან ის ამ კომპოზიციის მფლობელია.
მიუხედავად იმისა, რომ მერაია ქერი სიმღერის შემოსავლის 100%-ს ვერ იღებს, რადგან მისი შემოსავალი კომპანიის, მაგალითად, Sony Music-ის შვილობილი Columbia Records-ისა და სხვა პარტნიორებისგან მოდის, მისი წილი მაინც საკმაოდ დიდი უნდა იყოს. სპეციალისტების აზრით, მერაია ქერის წილი შემოსავლებში 20%-დან 90%-მდე მერყეობს, რაც დამოკიდებულია მის კონტრაქტზე. შესაბამისად, მისი შემოსავალი All I Want for Christmas Is You-დან შესაძლოა $20.6 მილიონიდან $92.7 მილიონამდე იყოს.
#drpkhakadze #davidiani #shenistartup
მასალის გამოყენების პირობები
