ავსტრალიის პარლამენტმა ახალი კანონი მიიღო, რომელიც 16 წლამდე მოქალაქეებისთვის სოციალური ქსელების მოხმარებას კრძალავს. მიზანი ბავშვების მენტალური ჯანმრთელობის დაცვაა, რადგან სოციალურმა მედიამ შეიძლება მათზე უარყოფითად იმოქმედოს. ახალი რეგულაცია მიმართულია ძირითადად პოპულარულ პლატფორმებზე, როგორიცაა Facebook, Instagram, TikTok და Snapchat.
კანონპროექტს ამჟამად კრიტიკას უყენებენ ტექნოლოგიური კომპანიები, რომელთაც მიაჩნიათ, რომ მომხმარებელთა ასაკის სწორი გადამოწმება და რეგულაციის ეფექტური აღსრულება პრობლემატურია. კომპანიებს 12 თვე აქვთ იმისთვის, რომ შექმნან საჭირო პროტოკოლები და 16 წლამდე ასაკის მომხმარებლები არ დაარეგისტრირონ.
აუცილებელი ცვლილებების არ განხორციელების შემთხვევაში კომპანიები $32 მილიონი დოლარით დაჯარიმდებიან. გამონაკლისი არიან საგანმანათლებლო პლატფორმები, როგორიცაა YouTube და WhatsApp, რომლებიც ამ რეგულაციაში არ შედიან. საინტერესოა, რომ ავსტრალიის მოქალაქეთა 77% მხარს უჭერს ამ კანონპროექტს, რაც მსგავს მიდგომებზე მსჯელობებს უწყობს სხვა ქვეყნებში, როგორიცაა ნორვეგია და ფლორიდა.
მსგავსი შეზღუდვები უკვე არის ჩინეთში, სადაც ბავშვებს ინტერნეტის გამოყენება საათობრივად შეზღუდული აქვთ.
#drpkhakadze #davidiani #shenistartup
მასალის გამოყენების პირობები
