ამერიკულმა ტექნოლოგიურმა გიგანტმა Meta-მ 2024 წელი ახალ რეკორდით — არნახული ფინანსური შედეგით დახურა. კომპანიის ჯამურმა შემოსავალმა გასულ წელს $164 მილიარდს მიაღწია, რაც 22%-ით აღემატება 2023 წლის მაჩვენებელს.
2024 წლის განმავლობაში Meta-ს წმინდა მოგებამ კოლოსალური $62 მილიარდი შეადგინა, რაც 59%-ით მეტია 2023 წლის მაჩვენებელზე, რავ ნიშნავს, იმას რომ კომპანიის ფინანსური შედეგები მნიშვნელოვნად გაუმჯობესდა და სპეციალისტების და ინვესტორების ყურადღებას იპყრობს. Meta-ს ისტორიაში ეს ყველაზე დიდი მოგებაა.
2024 წლის IV კვარტალში Meta-მ $48 მილიარდის შემოსავალი და $21 მილიარდის წმინდა მოგება დააფიქსირა, რაც 49%-იან ზრდას წარმოადგენს. კომპანიის შედეგები არა მხოლოდ ყოველწლიურად, არამედ კვარტლობითაც პოზიტიური ტენდენციის შერჩევით გამოირჩევა.
Meta-ს ფინანსური შედეგები მეტისმეტად კარგად აისახა კომპანიის საბაზრო შეფასებაზე. მისი აქციების ღირებულება ერთ წელიწადში 70%-ით გაიზარდა. ამასთან, Meta-ს კაპიტალიზაცია $1.7 ტრილიონს აჭარბებს, რაც კიდევ ერთხელ ხაზს უსვამს ტექნოლოგიური გიგანტის ძალაუფლებას და ბაზარზე მისი გავლენის მაღალ დონეს.
2024 წლის შედეგები არ არის მხოლოდ შემთხვევითი – ისინი წლების განმავლობაში განვითარებული სტრატეგიული ინვესტიციებისა და ტექნოლოგიური ინოვაციების შედეგია. Facebook-ისა და Instagram-ის პლატფორმების მძლავრი ზრდის გარდა, Meta აქტიურად ინვესტირებს ახალი პროდუქტებისა და სერვისების განვითარებაში, რაც კომპანიის მომავალი წარმატების საფუძველი ხდება.
#drpkhakadze #გიორგიფხაკაძე #davidiani #shenistartup #აქხარისხია
მასალის გამოყენების პირობები
