ინვესტორის პოვნა სტარტაპისთვის ერთ-ერთი ყველაზე რთული და კრიტიკული ეტაპია. ბევრმა დამწყებმა მეწარმემ არ იცის, რომ ინვესტორები ყოველთვის არ ამბობენ იმას, რასაც რეალურად ფიქრობენ. მათ აქვთ საკუთარი სტრატეგიები, ინტერესები და მოლოდინები, რომლებსაც ყოველთვის არ აზიარებენ. გთავაზობთ, 3 საიდუმლოს, რომელსაც ინვესტორები შენგან მალავენ:
1. ისინი არ აფინანსებენ იდეებს – ისინი აფინანსებენ ადამიანებს
ბევრი ფიქრობს, რომ გენიალური იდეა საკმარისია ინვესტიციის მოსაზიდად, მაგრამ სინამდვილეში ინვესტორებისთვის უფრო მნიშვნელოვანი ადამიანი და გუნდია, ვიდრე იდეა.
რატომ?
- იდეები შეიძლება შეიცვალოს, მაგრამ ძლიერი გუნდი ადაპტირებადია და პრობლემის მოგვარების ახალ გზებს იპოვის.
- ინვესტორებს სურთ ენდონ გუნდს, რომელმაც იცის, როგორ გააკეთოს ფული.
- თუ მეწარმე არ არის საიმედო ან არ აქვს გამოცდილება, ინვესტორი ფულს არ ჩადებს, თუნდაც იდეა გენიალური იყოს.
როგორ უნდა გამოიყენო ეს?
ინვესტორის წინაშე წარდგენისას ნუ გაამახვილებ ყურადღებას მხოლოდ იდეაზე – აჩვენე შენი უნარები, გამოცდილება და გუნდის სიძლიერე.
2. ისინი დიდ დროს უთმობენ შენს წარსულსა და რეპუტაციას
ინვესტორები საჯაროდ არ გეტყვიან, მაგრამ ისინი თითქმის ყოველთვის გამოიკვლევენ შენს წარსულს, გამოცდილებასა და ბიზნეს რეპუტაციას.
რას ამოწმებენ?
- წინა პროექტები და გამოცდილება – რას აკეთებდი მანამდე?
- სოციალური მედია და საჯარო გამოსვლები – რამდენად კარგად შეგიძლია ბრენდისა და საკუთარი თავის წარმოჩენა?
- რეპუტაცია ინდუსტრიაში – რას ფიქრობენ შენზე სხვები?
როგორ უნდა გამოიყენო ეს?
- სანამ ინვესტორის ძებნას დაიწყებ, დარწმუნდი, რომ შენი LinkedIn პროფილი, ბიზნესის ვებსაიტი და სოციალური ქსელები მოწესრიგებულია.
- შექმენი სანდოობის ფაქტორი – თუ ადრეულ ეტაპზე ხარ, აჩვენე, რომ გაქვს ცოდნა და გამოცდილება, თუნდაც სხვა სფეროში.
3. ისინი ეძებენ სტარტაპს, რომელიც მათ ფულს გაათმაგებს
ინვესტორებს არ აინტერესებთ მხოლოდ კარგი იდეები – ისინი ეძებენ პროექტს, რომელიც მათ კაპიტალს მაქსიმალურად გაზრდის.
რა აინტერესებთ ყველაზე მეტად?
- რამდენად სწრაფად შეიძლება ბიზნესის ზრდა?
- რამდენი კონკურენტი არსებობს ბაზარზე?
- რამდენად დიდი შანსია, რომ კომპანიამ წარმატებას მიაღწიოს და მომგებიანი გახდეს?
ბევრ დამწყებ მეწარმეს ჰგონია, რომ ინვესტორები მათ თბილი გულით ეხმარებიან, მაგრამ რეალურად ისინი ფულის მაქსიმალური მოგების პერსპექტივით მოქმედებენ.
როგორ უნდა გამოიყენო ეს?
- ინვესტორს უნდა აჩვენო როგორ გააკეთებს ფულს შენი ბიზნესით.
- მოამზადე გასაგები ფინანსური პროგნოზები, სადაც აჩვენებ, რა დროში და როგორ გაიზრდება ბიზნესი.
ინვესტორები არ არიან ქველმოქმედები – მათ სურთ ფულის შოვნა და საკუთარი რისკების მინიმიზაცია. თუ შენ ეს გესმის და შეგიძლია სწორად წარმოაჩინო საკუთარი ბიზნესი, შენი შანსები მნიშვნელოვნად გაიზრდება.
თუ ამ სამ პრინციპს გაითვალისწინებ, ინვესტიციის მოზიდვა შენთვის გაცილებით მარტივი გახდება!
შენი კალკულატორი, გამოიყენეთ ეს კალკულატორი თქვენი სხეულის მასის ინდექსის (BMI) შესამოწმებლად
კალკულატორი – მიუთითე სქესი და სიმაღლე და გაიგე შენი იდეალური წონა
#drpkhakadze #გიორგიფხაკაძე #davidiani #shenistartup #აქხარისხია
