2025 წლის პირველ კვარტალში ბიზნესისთვის ყველაზე დიდი გამოწვევა კვლავ ლარის კურსის არასტაბილურობაა. საქართველოს ბიზნეს ასოციაციის (BAG) მიერ გამოქვეყნებული BAG ინდექსის მიხედვით, კომპანიების 78%-ისთვის ეს ფაქტორი უმნიშვნელოვანეს პრობლემად რჩება.
BAG-ის კვლევის მიხედვით, 2025 წლის I კვარტალში, 2024 წლის IV კვარტალთან შედარებით, 9 პროცენტული პუნქტით გაიზარდა იმ კომპანიების წილი, რომლებიც საქმიანობისთვის ხელისშემშლელ ფაქტორებს ასახელებენ.
მთავარი გამოწვევები ასე გამოიყურება:
✔ ლარის კურსის არასტაბილურობა – ყველაზე დიდი პრობლემა ვაჭრობის სექტორში (78%) და მცირე ბიზნესში (42%).
✔ სპეციალისტების ნაკლებობა – ყველაზე მწვავე გამოწვევა მშენებლობის სექტორში (60%) და საშუალო ზომის კომპანიებში (45%).
✔ სამართლებრივი და ადმინისტრაციული ბარიერები – თითქმის თანაბრად აწუხებს ყველა სექტორს, განსაკუთრებით მშენებლობას (50%).
✔ სამუშაო ძალის დეფიციტი – მშენებლობის სექტორში ყველაზე კრიტიკულია (60%), მცირე და მსხვილი კომპანიებისთვის კი თანაბრად პრობლემური (21%-21%).
✔ მოთხოვნის სიმცირე – ვაჭრობის სექტორში 33%-ს აწუხებს, თუმცა მშენებლობის სექტორში ეს პრობლემა თითქმის არ აღინიშნება.
BAG-ის კვლევის ავტორები აღნიშნავენ, რომ ლარის კურსის არასტაბილურობა დიდი ხნის განმავლობაში მეოთხე-მეხუთე ადგილს იკავებდა, თუმცა 2025 წლის პირველ კვარტალში, ის პირველ ადგილზე დაწინაურდა.
“ეს ტენდენცია მიუთითებს ქართულ ბიზნესსა და ეკონომიკაზე ეროვნული ვალუტის კურსის ძლიერ გავლენას,” – ნათქვამია BAG-ის განცხადებაში.
ტენდენციები: რა გაუარესდა და რა გამოსწორდა?
- ყველაზე მეტად გაუარესდა: ლარის კურსის არასტაბილურობა (18 პროცენტული პუნქტით გაიზარდა).
- ყველაზე მეტად გაუმჯობესდა: სამუშაო ძალის ნაკლებობა (21 პროცენტული პუნქტით შემცირდა).
- მოთხოვნის სიმცირე: წინა კვარტალთან შედარებით, 14 პროცენტული პუნქტით გაიზარდა და ბიზნესის მთავარი გამოწვევების ხუთეულში მოხვდა.
BAG ინდექსი საქართველოს ბიზნეს ასოციაციის მიერ კვარტალურად ქვეყნდება და ქვეყანაში არსებული ბიზნესგარემოს ანალიზს ეფუძნება.
შენი კალკულატორი, გამოიყენეთ ეს კალკულატორი თქვენი სხეულის მასის ინდექსის (BMI) შესამოწმებლად
კალკულატორი – მიუთითე სქესი და სიმაღლე და გაიგე შენი იდეალური წონა
#drpkhakadze #გიორგიფხაკაძე #davidiani #shenistartup #აქხარისხია
