2024 წელს, საქართველოს რეზიდენტი ტურისტების მიერ განხორციელებული ვიზიტების დროს ხარჯების საშუალო თვიური მოცულობა 183.1 ლარს შეადგენდა. საქსტატის მონაცემებით, ადგილობრივი ვიზიტორების ყველაზე დიდი ხარჯი, 35.7%-ს, საყიდლებზე მოდის, რაც ნიშნავს, რომ ადგილობრივი ტურისტები მნიშვნელოვან ნაწილს თავიანთი ბიუჯეტიდან სწორედ shopping-ზე ხარჯავენ.
საქსტატის მონაცემებით, ადგილობრივი ვიზიტორების საყიდლებზე გასული საშუალო ხარჯი 65.4 ლარი იყო. მასთან ერთად, 45.4 ლარი მოდიოდა სასმელებსა და საკვებზე, ხოლო 36.8 ლარი – ტრანსპორტზე. ტურისტები ასევე ხარჯავდნენ 9.6 ლარს განთავსებაზე და 1.8 ლარს გართობაზე.
2024 წელს საქართველოს ტერიტორიაზე განხორციელებული ვიზიტების საერთო თვიური ხარჯი 300.0 მილიონი ლარი იყო, რაც 7.9%-ით აღემატება წინა წლის მონაცემებს. ერთ ვიზიტზე გაწეული საშუალო ხარჯი, 2023 წელთან შედარებით, 5.4%-ით გაიზარდა და 183.1 ლარს შეადგინა.
საქსტატის მონაცემებით, 2024 წელს საქართველოს ტერიტორიაზე ადგილობრივი ვიზიტორების რაოდენობა 5.9%-ით გაიზარდა, ხოლო მათ მიერ განხორციელებული ვიზიტების რაოდენობა 2.5%-ით შეამცირა. 15 წლის და უფროსი ასაკის ადგილობრივი ვიზიტორების საშუალო თვიური რაოდენობა 1 354 800 იყო, ხოლო ვიზიტების საშუალო თვიური რაოდენობა 1 638 700-მა ერთეულმა შეადგინა.
2024 წელს ადგილობრივი ტურისტების ხარჯები საქართველოში საგრძნობლად გაიზარდა, რასაც აჩვენებს როგორც საერთო ხარჯების ზრდა, ისე ვიზიტორთა რაოდენობის ზრდა. საყიდლებზე, სასმელებსა და საკვებზე დახარჯული თანხა კვლავ უმნიშვნელოვანეს ნაწილს შეადგენს ადგილობრივი ტურისტების ბიუჯეტში.
#drpkhakadze #გიორგიფხაკაძე #davidiani #shenistartup #აქხარისხია
