2024 წლის მონაცემებით, საქართველოში მშენებლობის ნებართვები მნიშვნელოვნად გაიზარდა. ოფიციალური მონაცემების მიხედვით, გასულ წელს მთელი ქვეყნის მასშტაბით გაცემული ნებართვების რაოდენობა 12 080-ს მიაღწია, რაც 7.1%-ით მეტია 2023 წელთან შედარებით. გარდა ამისა, მშენებლობისთვის გაწერილი ფართობი 12 040.4 ათას კვ.მ-ია, რაც 28.4%-ით აღემატება წინა წლის მაჩვენებელს.
მშენებლობის ნებართვების 73.5% ქვეყნის 4 ძირითად რეგიონზე მოდის. ამ მხრივ, თბილისის წილი ყველაზე მაღალია – 46.8%. სხვა რეგიონებში შემდეგნაირად ნაწილდება: ქვემო ქართლი 10.5%, მცხეთა-მთიანეთი 8.2%, ხოლო კახეთი 8%.
2024 წლის განმავლობაში, გაცემული ნებართვების უმეტესობა შეეხო მრავალფუნქციურ საცხოვრებელ კომპლექსებს, სავაჭრო ობიექტებს, სასტუმროებს, სამრეწველო საწარმოებს და სასოფლო-სამეურნეო დანიშნულების ნაგებობებს. მხოლოდ თბილისში 5 648 ნებართვა გაიცა, რაც 6 773 742 მ2 ფართობს მოიცავს. ბათუმის შემთხვევაშიც, სადაც 461 ნებართვა გაიცა, მშენებლობა 980 113 მ2-მდე გავრცელდა.
ბოლო ათი წლის განმავლობაში, 2014 წლიდან, მშენებლობის ნებართვების რაოდენობა 27%-ით და ფართობი 65%-ით გაიზარდა. 2014 წელს გაცემული ნებართვების რაოდენობა 9 479 იყო, ხოლო ფართობი 7 258 011 მ2-ია, მაშინ როცა 2024 წელს ეს მაჩვენებლები მნიშვნელოვნად გაიზარდა.
2024 წლის განმავლობაში ექსპლუატაციაში შევიდა 3 245.6 ათასი კვ.მ ფართობის 3 604 ობიექტი, რაც წინა წელთან შედარებით 1.4%-ით ნაკლები ფართობია, თუმცა ობიექტების რაოდენობა 13.3%-ით გაიზარდა. აღნიშნული ობიექტების ნახევარზე მეტი მაინც საქართველოს ოთხ რეგიონზე მოდის. კერძოდ, თბილისში ექსპლუატაციაში შესული ობიექტების 36.2% არის, ხოლო მტკიცებულად გაიზარდა აქტივობა მცხეთა-მთიანეთის (13.2%), კახეთის (12.7%) და იმერეთის (7.7%) რეგიონებში.
ექსპლუატაციაში მიღებული ობიექტებიდან ყველაზე მეტი საცხოვრებელი შენობაა, რის შემდეგაც ყველაზე პოპულარული სამრეწველო და სასაწყობო შენობები, სავაჭრო ობიექტები და სასტუმროებია. მეხუთე ადგილზე კი სასოფლო-სამეურნეო დანიშნულების ობიექტები არიან.
#drpkhakadze #გიორგიფხაკაძე #davidiani #shenistartup #აქხარისხია
