2024 წლის მონაცემებით, საქართველოში პირდაპირი უცხოური ინვესტიციების მოცულობა 1 მილიარდ 333 მილიონ დოლარამდე შემცირდა, რაც 29.9%-ით შემცირებული მაჩვენებელია წინა წელთან შედარებით. საქსტატის მონაცემებით, აღნიშნული ციფრის კლება ძირითადად სააქციო კაპიტალის და რეინვესტიციის შემცირების შედეგია. მნიშვნელოვანია, რომ ბოლო ორი წელია საქართველოში პირდაპირი უცხოური ინვესტიციების მოცულობა მცირდება.
საერთო ჯამში, სამი ყველაზე დიდი ინვესტორი ქვეყანა საქართველოში 58.2%-იან წილს ატარებს მთლიან პირდაპირ უცხოურ ინვესტიციებში. პირველ ადგილზე არის გაერთიანებული სამეფო 33.6%-ით, მეორე ადგილზე მალტა 13.2%-ით, ხოლო მესამე ადგილზე ნიდერლანდები 11.4%-ით.
მნიშვნელოვანია, რომ ყველაზე დიდი პირდაპირი უცხოური ინვესტიცია – 526.5 მილიონი დოლარი – განხორციელდა საფინანსო და სადაზღვევო სფეროში, რაც მთლიანი FDI-ს 39.5%-ს შეადგენს.
2024 წლის TOP-10 ინვესტორი კომპანია საქართველოში:
- აიდიეს ბორჯომი საქართველო (შპს აიდიეს ბორჯომი ბევერიჯიზ კომპანიის საქართველოს ფილიალი)
- შპს მაგთიკომი
- შპს თბილისი ენერჯი
- სს ენერგო – პრო ჯორჯია
- შპს ტოიოტა კავკასია
- შპს სილქ როუდ გრუპ ჰოლდინგი
- შპს აი ჯი დეველოპმენტ ჯორჯია
- სს ბიჯეო ჯგუფი
- შპს გლობალ ბიერ ჯორჯია
- შპს სოკარ მიდსთრიმ ოპერეიშენს – საქართველოს ფილიალი
შენიშვნა**: აღნიშნული კომპანიები არ არის დალაგებული რეიტინგის მიხედვით.
ფინანსური, ენერგეტიკული, დეველოპერული, დამმუშავებელი და ინფორმაციული ტექნოლოგიების სექტორები წარმოადგენენ წამყვან დარგებს, რომელშიც 2024 წელს განხორციელდა ყველაზე დიდი ინვესტიციები.
მიუხედავად პირდაპირი უცხოური ინვესტიციების შემცირებისა, საქართველო კვლავ ინარჩუნებს სტრატეგიულ მნიშვნელობას ინვესტორისათვის.
შენი კალკულატორი, გამოიყენეთ ეს კალკულატორი თქვენი სხეულის მასის ინდექსის (BMI) შესამოწმებლად
კალკულატორი – მიუთითე სქესი და სიმაღლე და გაიგე შენი იდეალური წონა
#drpkhakadze #გიორგიფხაკაძე #davidiani #shenistartup #აქხარისხია
მასალის გამოყენების პირობები
