ავსტრალიელმა მეცნიერებმა ისტორიაში პირველად კენგურუს ემბრიონი ექსტრაკორპორალური განაყოფიერების (IVF) გზით შექმნეს, – ამის შესახებ BBC იტყობინება.
მეცნიერებმა წარმატებით შექმნეს ოცზე მეტი ნაცრისფერი კენგურუს ემბრიონი. მათი მთავარი მიზანი ამ პროცესის გამოყენება იმ ცხოველების გადარჩენისთვისაა, რომლებიც გადაშენების პირას არიან. კოალები, ტასმანიური ეშმაკები, ვომბატები და სხვა ჩანთოსნები შესაძლოა ამ მეთოდით გადარჩნენ.
ავსტრალიაში ძუძუმწოვარი ჩანთოსნების ერთ-ერთი ყველაზე დიდი და მრავალფეროვანი პოპულაცია არსებობს, თუმცა, მათგან ზოგიერთი სახეობა დღეს უკვე გადაშენების საფრთხის წინაშე დგას. მეცნიერების აზრით, კენგურუს ემბრიონების შექმნა დაეხმარება „გენეტიკური მასალის შენარჩუნებას“ და შესაძლებელს გახდის ამ ცხოველების გამრავლებას.
2024 წელს, სწორედ ასეთივე მეთოდით, მეცნიერებმა მარტორქის ემბრიონი შექმნეს.
#drpkhakadze #გიორგიფხაკაძე #davidiani #shenistartup #აქხარისხია
