Impact Hub Tbilisi-ს სტარტაპ აქსელერატორის გუნდები მადრიდში გამართულ Google for Startups-ის საერთაშორისო ბუთქემფზე მონაწილეობდნენ. აღნიშნულ ღონისძიებას მადრიდის Google for Startups კამპუსმა უმასპინძლა, სადაც 8 წარმატებული ქართული სტარტაპი წარსდგა. თითოეულმა სტარტაპმა საკუთარი ინოვაციური პროდუქტი და მომსახურება წარმოადგინა ევროპული სტარტაპ ეკოსისტემის წარმომადგენლებისა და სხვა მოწვეული სტუმრებისთვის.
სტარტაპები 3 დღის განმავლობაში ესწრებოდნენ ტრენინგებს. მონაწილე გუნდები შეხვდნენ ადგილობრივ ექსპერტებსა და მსოფლიო დონის მენტორებს, რომლებიც უზიარებდნენ თავიანთ გამოცდილებას, ახალი ბაზრების შესწავლის, ინვესტორებთან ურთიერთობისა და სტარტაპების ზრდის საუკეთესო პრაქტიკებს.
“საერთაშრისო ბუთქემფმა მადრიდში წარმატებით ჩაიარა, ტრენინგების განმავლობაში მონაწილეებმა მიიღეს მნიშვნელოვანი რჩევები და რეკომენდაციები საერთაშორისო მენტორებისგან, ჰქონდათ შესაძლებლობა დაემყარებინათ კონტაქტები ესპანური სტარტაპ ეკოსისტემის მნიშვნელოვან წარმომადგენლებთან, ასევე მიიღეს სტარტაპის წარდგენის გამოცდილება საერთაშორისო აუდიტორიის წინაშე. დარწმუნებული ვართ, რომ გამოცდილება, რომელიც ჩვენი აქსელერატორის მონაწილე გუნდებმა Google for Startups-ში მიიღეს, ფასდაუდებელი იქნება მათი მომავალი წარმატების ფორმირებაში”, – აღნიშნა ქეთი ებანოიძემ, Impact Hub Tbilisi-ს თანადამფუძნებელმა.
მონაწილე სტარტაპები:
- Aloha – მობილური აპლიკაცია, რომელიც HoReCa სექტორს ეხმარება მომხმარებელთა ლოიალობის გაზრდაში.
- Altera – პროგრამული უზრუნველყოფა მცირე და საშუალო ბიზნესებისთვის, რომელიც ფინანსური მონაცემების ანალიზის საფუძველზე განსაზღვრავს საგადასახადო შეუსაბამობის რისკებს და სთავაზობს მათი გამოსწორების გზებს.
- Hiera – პროექტების მენეჯმენტის მართვის ეფექტური პლატფორმა ინტერიერის დიზაინერებისთვის.
- Klics – ჩვენ ვეხმარებით საშუალო და დიდი ზომის იქომერს და რითეილ ბიზნესებს კონვერსიის 30%-ით გაზრდაში, მარკეტინგული გემიფიცირებული კამპანიებითა და რეკლამებით და კონვერსიის პროგნოზირებადი სისტემის საშუალებით.
- Quissly – ელ.კომერციის ბუნებრივ ენაზე მოსაუბრე თანამგზავრი, რომელიც ეხმარება ელ. კომერციის მაღაზიებს გაყიდვების გაზრდაში, მათი მომხმარებლებისთვის სასურველი შეთავაზებების მეშვეობით.
- SHARA – აპლიკაცია ჯირას მარკეტფლეისზე, რომელიც პრობლემების და დაბრკოლებების სწრაფი აღმოჩენით და სწორი რეკომენდაციების გაცემით, ეხმარება ორგანიზაციებს სწრაფ და ეფექტურ ეჯაილ ტრანსფორმაციში.
- Skippit – SaaS პლატფორმა მცირე და საშუალო ზომის პროფესიული სერვისის პროვაიდერი კომპანიებისთვის. ადამიანური რესურსებისა და პროექტების კომერციული ინფორმაციის ერთ პლატფორმაზე სინქრონიზაციით, მმართველ გუნდს აქვს შესაძლებლობა მონაცემებზე დაყრდნობით მიიღოს სტრატეგიული გადაწყვეტილებები და გაზარდოს ბიზნესის მომგებიანობა.
- Strivvy – ონლაინ მარკეტფლეისი ვიდეო თამაშების ქოუჩინგისთვის, რომელიც გეიმერებს ბიუჯეტური ქოუჩების პოვნაში ეხმარება და აკავშირებს გამოცდილ გეიმერებთან, რომელთაც ფულის გამომუშავება სურთ.
Impact Hub Tbilisi-ს სტარტაპ აქსელერატორი 2021 წელს დაარსდა, მას შემდეგ, რაც პროექტის დამფუძნებელი გუნდი სპეციალური გადამზადების კურსს დაესწრო, სადაც საერთაშორისო გამოცდილების საფუძველზე ჩამოაყალიბეს ადგილობრივი სტარტაპ აქსელერაციის პროგრამა. ამ დროისათვის პროგრამამ 5 ნაკადი გაიარა, სადაც 103 სტარტაპი მონაწილეობდა. მონაწილეობა მიღებულმა გუნდებმა, ჯამში, 2 მილიონ ევროზე მეტი ინვესტიცია და გრანტი მოიპოვეს.
#drpkhakadze #გიორგიფხაკაძე #davidiani #shenistartup #აქხარისხია
