Google-მა ახალი ღია კოდის AI მოდელი, Gemma 3, გამოუშვა, რომელიც ეფექტურობითა და მაღალი მუშაობის შესაძლებლობებით გამოირჩევა. მოდელი, რომელიც 140-ზე მეტი ენის მხარდაჭერას იძლევა, მიზნად ისახავს AI-ის ხელმისაწვდომობას სხვადასხვა მოწყობილობებსა და აპლიკაციებში.
Gemma 3-ის ერთ-ერთი მთავარი უპირატესობა მისი ეფექტურობაა. მოდელი DeepSeek R1-ის სიზუსტეს 98%-ით აღწევს და საჭიროებს ნაკლებ გამოთვლით რესურსს, რაც დისტილაციის ტექნოლოგიის გამოყენებით ხდება. ამ ტექნოლოგიის დახმარებით, დიდი ენობრივი მოდელების ცოდნა ეფექტურად შეკუმშულია და ისე ხდება მისი გამოყენება, რომ მოდელი მცირე ზომისაა, თუმცა მაინც ძალიან ძლიერია.
გუგლმა კიდევ უფრო გააუმჯობესა AI მოდელის სწავლის მეთოდები. ახალმა მოდელმა დაამატა Human Feedback (RLHF), Machine Feedback (RLMF) და Execution Feedback (RLEF), რომლებიც მნიშვნელოვნად აუმჯობესებენ მათემატიკის, კოდირებისა და ლოგიკური უნარების განვითარებას.
Gemma 3 ხელმისაწვდომია ოთხ სხვადასხვა ზომაში, რომელთაგან თითოეული პარამეტრის რაოდენობით განსხვავდება 1 მილიარდიდან 27 მილიარდამდე. ეს ვარიანტები საშუალებას აძლევს დეველოპერებსა და კვლევით ჯგუფებს აირჩიონ მათთვის საჭირო მოდელი სხვადასხვა პარამეტრებისა და რესურსების მიხედვით.
Gemma 3-ის პატარა ერთ მილიარდ პარამეტრიანი მოდელი განსაკუთრებით ეფექტურია მობილური და ვებ-აპლიკაციებისთვის. მისი ზომა მხოლოდ 529MB-ია, მაგრამ შეუძლია წამში 2585 ტოკენის გენერაცია. ეს კი მას განსაკუთრებით მიმზიდველს ხდის დეველოპერებისთვის, რომლებიც სწრაფი და ნაკლებად რესურსმომთხოვნი გადაწყვეტებს ეძებენ.
Google გეგმავს, რომ Gemma 3 ფართოდ დაინერგოს, ამიტომ მკვლევარებს AI ექსპერიმენტებისთვის 10,000 დოლარის კრედიტებს სთავაზობს. ეს მხარდაჭერა ხელს შეუწყობს მოდელის უფრო მეტ სფეროში გამოყენებას და აძლიერებს მის პოპულარიზაციას.
შენი კალკულატორი, გამოიყენეთ ეს კალკულატორი თქვენი სხეულის მასის ინდექსის (BMI) შესამოწმებლად
კალკულატორი – მიუთითე სქესი და სიმაღლე და გაიგე შენი იდეალური წონა
#drpkhakadze #გიორგიფხაკაძე #davidiani #shenistartup #აქხარისხია
