2012 წელს თამაზ გიორგაძის მიერ დაფუძნებულმა ფინტექ-პლატფორმამ, Raisin-მა, €2 მილიარდის შეფასებას მიაღწია. გასულ ერთ წელიწადში კომპანიამ მინიმუმ გაორმაგებული ფასით განაახლა თავისი ღირებულება.
Finance FWD-ის ინფორმაციით, Raisin-ის შეფასება 2-3 მილიარდ ევროს ფარგლებში მერყეობს, თუმცა ზუსტი თანხა არ საჯაროვდება. ეს ზრდა უკავშირდება უახლეს საინვესტიციო რაუნდს, რომლის დროსაც Raisin-მა €100 მილიონი ინვესტიცია მოიზიდა. ახალ ინვესტორებს შორის არიან Tencent, Hedosophia და Vitruvian Partners, ხოლო რამდენიმე დამფუძნებელმა და არსებულმა ინვესტორმა წილები შეამცირეს.
Raisin არის საერთაშორისო ფინტექ-პლატფორმა, რომელიც მომხმარებლებს სხვადასხვა საბანკო დეპოზიტებზე ყველაზე ხელსაყრელ შეთავაზებებს ერთ აპლიკაციაში აერთიანებს. პლატფორმა ასევე სთავაზობს საინვესტიციო და საპენსიო პროდუქტებს. Raisin-ის სერვისებს 1 მილიონზე მეტი მომხმარებელი იყენებს, ხოლო კომპანიას 400-ზე მეტი პარტნიორი ბანკი ჰყავს, რომლებიც 30-ზე მეტ ქვეყანაში ოპერირებს. Raisin-ის მართვაში არსებული აქტივების მოცულობა €50 მილიარდს აჭარბებს.
#drpkhakadze #davidiani #shenistartup
მასალის გამოყენების პირობები
