გახანგრძლივებული ხველა; რა ტიპის ხველაა ყველაზე გავრცელებული; გამომწვევი ძირითადი მიზეზები.
საუბრობს პედიატრი ეკა უბერია გადაცემაში „სტუმრად ექიმთან“ :
„ხველა სასუნთქი სისტემის დაცვითი რეაქციაა, რაც ფილტვებიდან ზედმეტი ლორწოსა და ნახველის მოცილებას გულისხმობს. ხშირად თან ახლავს რესპირატორული სისტემის ვირუსულ დაავადებებს. გრიპი და სხვა რესპირატორული ინფექციები 6 წლამდე ასაკში ხშირი ავადობის მიზეზი ხდება. წლის მანძილზე 4-6 ჯერ ავადობა რესპირატორული ინფექციებით, ეს ჩვეულებრივ ნორმად მიიჩნევა.
ჯანდაცვის მსოფლიო ორგანიზაციის მიერ მოწოდებულია რეკომენდაციები გრიპის სეზონურ ვაქცინაციასთან დაკავშირებით. გამოყოფილია რისკის ჯგუფის ადამიანები, 6 თვიდან 6 წლამდე ასაკის ბავშვები, 65 წლის ზემოთ ასაკის ადამიანები, ორსულები, სტუდენტები და ადამიანები, რომლებსაც სიმჭიდროვეში უწევთ ცხოვრება ან მუშაობა. კვლევებით დადგინდა:
გრიპის სეზონური ვაქცინაცია, 60%–ით ამცირებს ავადობის სიხშირეს. მშობლებს ვურჩევ, ბავშვები აცრან გრიპის სეზონური ვაქცინით. ბევრ ქვეყანაში, – ინგლისში, ამერიკაში, გრიპის სეზონური ვაქცინა გეგმიური ვაქცინაციის კალენდარში შედის, არავაქცინირებულ ბავშვებს ბაღებში არ იღებენ.
ხველის ერთ-ერთი მიზეზი რესპირატორული ვირუსული ინფექციებია. არ არსებობს უნივერსალური წამალი, რომელიც ყველა ტიპის ხველას უშველის. ვმკურნალობთ მის გამომწვევ მიზეზებს. გახანგრძლივებულ ხველა სამ კვირაზე მეტხანს გრძელდება, სხვა მიზეზები უნდა ვეძებოთ.
ბავშვები სკოლამდელ ასაკში ხშირად ავადობენ რესპირაციული ინფექციებით. ადრეული ასაკის ბავშვების იმუნურის სისტემა ლაბილურია, ჩამოუყალიბებელია და ამას სასუნთქი სისტემის განვითარების თავისებურებები უწყობს ხელს. თუ ხველა სამ კვირაზე მეტხანს გრძელდებაა, ნიშნავს, რომ ეს გახანგრძლივებული ხველაა. მისი ერთ-ერი მიზეზი შეიძლება იყოს ალერგიული ხველა.
განიხილავენ სამი ტიპის ალერგიულ ხველას:
ვირუსინდუცირებული, ალერგენინდუცირებული და ფიზიკური დატვირთვით განპირობებული. ადრეულ ასაკში უხშირესია ვირუსინდუცირებული ალერგიულია ხველა, რომელიც ასაკი მატებასთან და ვირუსებით ავადობის შეცმირებასთან ერთად ქრება.
არსებობს ლარინგოტრაქეიტი ხველა, კრუპის სახელწოდებით არის ცნობილი, მას მხოლოდ ჰორმონალური პრეპარატები ხსნის. არსებობს კრუპის გრადაცია, ესაა მსუბუქი, საშუალო და მძიმე.
კრუპის ნიშნებია:
ხმაურიანი სუნთქვა, მყეფარე ხასიათის ხველა და ხმის ტემბრის შეცვლა“ .
#datashvil #drpkhakadze #sheniganatleba
მასალის გამოყენების პირობები
