,,დაგიმზადებთ ნებისმიერი სირთულის ვებგვერდს და აპლიკაციას“
– ეს განაცხადი კომპიუტერული მეცნიერების სტუდენტებს ეკუთვნით, რომლებმაც ჩამოაყალიბეს ძალიან საინტერესო კომპანია ,,გარგარი“.
,,შეიძლება ითქვას, რომ ჩვენი დაწყებული საქმე სტარტაპია, თუმცა გვაქვს იმის ამბიცია, რომ თანამედროვე მოთხოვნების შესაბამისი ვებგვერდი ან აპლიკაცია შევქმნათ“- ამბობს ,,გარგარის“ ერთ-ერთი დამფუძნებელი ნიკა დვალიშვილი.
,,გარგარი“ სთავაზობს დამწყებ თუ უკვე შემდგარ ბიზნესს იმ მომსახურებას, რომლის გარეშეც 21-ე საუკუნეში წარმოუდგენელია მუშაობა.
ხუთ ახალგაზრდას თანაბრად აქვთ გადანაწილებული საქმე და სრულყოფილი საიტის თუ აპლიკაციის შექმნისთვის ყველა დეტალი პროფესიონალურად მუშავდება.
გიგი გიორგაძე, გიორგი ყაზიშვილი, ლუკა გულვერდაშვილი, დუდა ელბაქიძე და ნიკა დვალიშვილი უკვე მუშაობენ ერთ საინფორმაციო საიტზე, რომელიც მალე გამოჩნდება ინტერნეტ სივრცეში.
,,ჩვენ შეგვიძლია გავაციფრულოთ ნებისმიერი ბიზნესი ან უკვე არსებული საიტი თუ აპლიკაცია შევცვალოთ და მივუსადაგოთ თანამედროვე მოთხოვნებს, გავაკეთოთ როგორც ვიზუალური, ისე პროგრამული განახლება, შევქმნათ მომხმარებელზე მორგებული საიტი“ – ამბობს დუდა ელბაქიძე.
,,გარგარი“ კიდევ ერთ მასშტაბურ პროექტზე მუშაობს, რომელიც განათლების მიმართულების გაციფრულებას შეეხება, თუმცა, ამაზე სტუდენტები დეტალურად მოგვიანებით ისაუბრებენ.
საიტის ან აპლიკაციის შექმნის მსურველებს შეუძლიათ დაუკავშირდნენ ,,გარგარს“ FB -ზე https://www.facebook.com/profile.php?id=61559932766757 ან დაუკავშირდეთ ნომერზე 577 484 450 📱
მასალის გამოყენების პირობები
